Einkenni: Hvítur líkami, ljóst tagl og fax, hófar ljósir. Augu eru aldrei dökk heldur blá og kallast hrossin hringeygð.

Litbrigði: Litleysingjar geta verið misljósir og stundum sjást á þeim blesur eða sokkar.

  

Einkenni: Folöld fæðast í hvaða lit sem er en hvítna með aldrinum. Misjafnt er hversu gömul þau eru þegar grái liturinn er orðinn ríkjandi. Misjafnt er því hvort hófar séu dökkir eða ljósir og hvort hross séu með dökk eða ljós augu. Annað foreldrið verður að vera grátt til að afkvæmið fái þennan lit.

Litbrigði: Fer eftir grunnlit, hross með blesu og þar af leiðandi bleika snoppu eru stundum kölluð hvít. Önnur nöfn á gráum lit er ljósgrár, yrjugrár, dökkgrár, apalgrár

Einkenni: Vöntun á lit sumstaðar á líkamanum. Skjótt getur komið fram með öllum grunnlitum. Annað foreldrið verður að vera skjótt til að afkvæmið fái þennan lit, og ríkjandi skjóttur er aldrei dulinn í einlitum hrossum.

Fjölmörg nöfn eru á skjóttum lit. Vængskjóttur, höttóttur, Kinnskjóttur, hjálmóttur, síðuskjóttur, skottóttur o.fl.

 

Einkenni: Vöntun á lit sumstaðar á líkamanum. Er ólíkur venjulegum skjóttum lit að erfðum þar sem slettuskjótt folöld þurfa erfðavísinn frá báðum foreldrum. Slettuskjótt getur legið dulið í hrossum en þau fá þá oftast breiðar blesur eða hvít andlit og jafnvel sokka. Slettuskjótt mynstur eru einnig ólík skjóttum en þeim fylgir ofast hvítt andlit, sokkar og hvítur magi en efri hluti líkamans er yfirleitt ekki hvítur. 

Slettuskjótt er yfirleitt kallað því nafni.

 
Rauðlitföróttur (vor)                Brúnlitföróttur (sumar)

Einkenni: Tvennskonar hárlitur, getur komið fram með hvaða grunnlit sem er en sést ekki vel á ljósum hrossum. Vindhárin (þykku vetrarhárin) eru hvít en grunnhárin eru í grunnlitnum. Hrossin virðast því skipta um lit eftir árstíðum. Annað foreldrið verður að vera litförótt til að afkvæmið fái þennan lit.

Litbrigði: engin litbrigði önnur en mismunandi grunnlitir

Einkenni: Vöntun á lit í andliti eða á fótum. Minnst annað foreldri hrossan þarf að vera með stjörnu, blesu eða sokka til að afkvæmin fái þennan lit. Stundum eignast skjótt hross afkvæmi með stjörnu, blesu eða sokka.

Litbrigði: smástjörnóttur, stjörnóttur, stórstjörnóttur, úðastjörnóttur, halastjörnóttur, tvístjörnóttur, þrístjörnóttur, nösóttur, stórnösóttur, smáblesóttur, blesóttur, úðablesóttur, skakkblesóttur, stórblesóttur, hvíthæfður, leistóttur, sokkóttur

Stundum koma fram litir hjá íslenskum hrossum sem ekki þykja algengir eða hefur ekki heyrst um áður. Til að mynda var til ræktunarhryssa sem var skjótt en vantaði þó engan lit. Hún var dökkrauðskjótt og þar sem hefði átt að vera hvítt var í staðin venjulegur rauður litur. Hún erfði þetta litbrigði ekki frá sér. Alloft koma fram grá hross með dökka blesu, jafnvel dökk hross með hvíta blesu og rauða, stundum eru skjótt hross með hvítt andlit og dökka stjörnu, og sum hross eru hvít með dökk eyru. Öll þessi litbrigði eru útskýranleg erfðafræðilega en sjaldgæf og skemmtileg viðbót í litaflóruna.

Eitt litarafbrigði vantar með öllu í íslenska hestinn en það er doppótti liturinn eins og prýðir knapstrup hestakynið og appaloosa hestakynið. Þetta litarafbrigði kallast hlébarðamynstur á íslensku og erfist svipað og skjóttur litur. En einhvernvegin varð þetta litarafbrigði til og því ekki ógerlegt að það komi fram hjá íslenska hestinum í framtíðinni.