Notuðum sl. helgi til að gera næstum allt hestatengt ... við fórum í hestaferð (eða jói fór ég keyrði trússbílinn). Við byrjuðum á að fara á laugardaginn að kíkja á Tý og taka út tamninguna, það er gaman að segja frá því að við vorum bæði hæstánægð. Tamningamaðurinn Tómas Örn hefur haft hann í tvo mánuði nú og mikið hefur gerst á þeim tíma. Týr er enn freku og með yfirgang en hlíðir og aktar það sem er verið að gera. Góður í beisli og yfirvegaður. Við erum hæstánægð.

Við brunuðum svo frá þessari skemmtiferð yfir í Landeyjar að skoða Rimmu. Við sáum lítið af henni þar sem Vera stakk af lengst útá tún þegar hún sá bílinn, en ég elti og náði einhverjum leim myndum. Fylggist samt með henni um stund og hún hreyfir sig fallega, fór um á brokki núna.

Daginn eftir fórum við að ná í Tý og keyrðum hann þangað sem hestaferðin átti að byrja. Hann kom oss á óvart með yfirvegun og hlíðni á meðan við biðum við bílinn - hinir hestarnir voru langtíburtu. Hann var svo teymdur svona 1/3 af leiðinni til að byrja með og Jói smellti sér svo á bak. Smá byrjunarörðuleikar aðallega afþví að Jói kann ekki að stilla hnakkinn eftir fótalengd sinni ennþá - en þeir smullu svo saman og voru orðnir fínir þegar ég sá þá næst. Ég ljósmyndaði hópinn í bak og fyrir og veðrið var svo gott að það var jafnvel erfitt að ljósmynda fyrir sólinni, hún var svo sterk.

Á mánudag fórum við hjú svo í reiðtúr á gömlu útí Haukadalsskóg í steikjandi hita. Sem betur fer var fjallagola í skóginum annars hefðum við og hrossin bara dáið. Mjög skemmtilegur túr nema þegar við riðum í gegnum lúpínubreiður því þær voru önnum kafnar við að skjóta fræjum með tilheyrandi smellum sem Freyfaxi hélt að væri rafmagnsgirðing að smella... bjáni.


Jói og Týr í hestaferð


Hópurinn á síðasta degi hestaferðarinnar, loksins almennilegt veður !


Jói að prufa Tý, athuga hvort það sé eitthvað tölt þarna ...


Jú, þarna var nú tölt sko !


Rimma, agalegt bjútí

Við hjú skruppum í hestaferð/reiðtúr. Við tókum gömlu kallana og skiptumst á að vera á baki, en notuðum þá samt hóflega og skutluðum þeim líka á milli staða. Það rigndi ansi vel á laugardag nema þegar ég var á baki og svo var bara fínt veður á sunnudag. Gömlu kallarnir komu svo í beitina uppí bústað á sunnudagskvöld. Síðasti spölurinn var Freyfaxa dáldið erfiður en hann var orðinn dáldið þreyttur - hann sló samt aldrei af enda hörkutól. Hann var hinsvegar svo feginn að sjá að við vorum að stoppa að hann byrjaði að hneggja viðstöðulaust og réði bara alls ekki við sig af greinilegri gleði yfir að þurfa ekki að hlaupa meira ... mér fannst þetta dáldið sætt en vorkenndi honum samt dáldið um leið - hann lætur ekkert vita þó hann sé alveg búinn á því. Sýndi og sannaði að hann er hörkureiðhestur. Hann samt byrjaði að tungubasla í ferðinni - pínu asnó því hann hefur aldrei baslað og er núna sko svona 23 vetra ... asnó.


Doldil fluga í upphafi ferðar á Skógarhólum - báðir með flugnanet - stórsniðugt.



Skógarhólar

Jói með Freyfaxa og Mjölni


Við hjú í skógræktinni við Mosfell í Bláskógarbyggð